هیِِِِِِِِِِِِِِِِِِِِِِِِِِِِِِ، آرالی گزن تولکو

کوچه لر هله گولور،سن تک یولچولارا

آی کوپک وفاسینا  گولن

قوی قاچ ایتلر هورور سندن قالان ایاق یئرلرینه

سانجیلانیب کوپکلر آج قاچیرلار

دیشلر ی قیلینج سل کسکیندیر ، حولقوموندان چیخان سوزلره

دوشه دیگین ناغیللار آیاغا قالخیب

قوی قاچ بوغماغیناگلیرلر!

یوبانیبسان تئز اوزاقلان چوخداندیر سن

تکلر بیر آیری کوچه ده ته زه ناغیل لار دئیرلر

اوتانماُُ باش اوجا دولان دونیا سن لردن یارانیبدیر!

                                                      ایسئل

 

بویامیشدین منی بیرفوفله نمیش صابین قویوغونا

قورخوردوم  دیرناقیم دییه پاتلایا سن سیز قالام

دوشله ریمی باغریماباسیردیم. ال،قولوموقوجاقلاییردیم.

قویوق ایچیندن ائشیه ساری باخاراق، تاربیر گوزلیک گوروردوم

،اما گوزومو یومدوم.آنلاییردیم بیردن آغیر نفس چکرم، قویوق پاتلایار سن سیز قالارام. قویوق کیچیلیر بیلمیرم سئوگین آزالیربلکه ده من بوی آتیرام.یئنه ده اوزومه ییغیشیرام آراسیندا منه اورک آغریسی گلیر.اوزومه سیغیشدیق جا اوره یم ائشیگه چیخماق ایسته ییر.قویوق ایچینده کی هاوا منه آغیر گلیر ، نفسیمی ساخلایاجاغام اولمه رم من بو قویوقدا اما کیمسه سیز قالمارام سن سیز قالمارام.،قارانلیقدی ،گوزوم یومولوب ،ال قولوم اوزومله باغلانیب نفس چکه بیلمیر م ائله بیر اولوموم یاخینلاشیرسئوینجدیر منه سنین سئوگینده اولمه ک. اوره یم بیر آغیر نفس چکیر قویوقون هاواسی قورتاریب پاتلاییر گوزله ریم دولو سو، ال قولوم اینجییر اورهییم پاتلاییر اوزلم له دینله ییرم منده او قویوقلا پاتلایایدیم . کیمسه سیز قالدیم .بیر نئچه سس ائشیدیر کن قورخا قورخا گوزلریمی آچیرام گولوشلو باخیشلارسئوگی دولو اورک لر منی گوزلورموشلر چیخام ائشیه .                                   ایسئل

 

 

 

 

 

 

 

 

 

…

بیر باغ سووزودا وئریلمه دی

کوسدون مو گئت

آغلایانا داها په په یوخدو

گئدنین دالیسیجا سو سپن یوخدو

گلمیشدین دونیایا صاحاب دوراسان

اللرینن قوللاریندان اوزون گئدیر

کوسدون مو گئت

دالینجا آغلاماغا داها گوجوم یوخ

                             (aysel) 6/8/86